Stefnir í frábæra skeiðleika á miðvikudaginn

Fyrstu skeiðleikar Baldvins og Þorvaldar og Skeiðfélagsins fara fram miðvikudagskvöldið 20.maí. Leikarnir hefjast klukkan 19:30.

Dagskrá
19:30 – 250 metra skeið
20:00 – 150 metra skeið
20:45 – 100 metra skeið

Margir af fljótustu skeiðhestum landsins eru skráðir til leiks og eftirvæntingin mikil fyrir því hvernig þeir koma undan þjálfun vetrarins. Mótið verður í beinni útsendingu á www.alendis.tv og í appinu „Alendis“ í App-store.

Þá mun www.lengjan.is opna fyrir veðmál á hverja grein og verður spennandi að sjá hvaða stuðla skeiðhestar hljóta en sú vinna fer nú fram hjá íslenskum getraunum.

Leikmenn (knapar), þjálfarar og dómarar mega ekki tippa á úrslit í móti sem þeir taka þátt í.

Eins og áður að þá veitir Hestavöruverslunin Baldvin og Þorvaldur stigahæsta knapa skeiðleikanna 100.000 króna gjafaúttekt í verslun sinni auk þess að gefa verðlaun til þriggja hæstu knapa á hverju móti í hverri grein.

Þá mun stigahæsti knapi ársins hljóta farandbikarinn „Öderinn“ sem gefinn er af Gunnari Arnarsyni og Kristbjörgu Eyvindsdóttur til minningar um Einar Öder Magnússon.

Ráslistar