Strengur frá Þúfum efstur

21. nóvember 2023
Fréttir

Grúskað í kynbótamatinu

Nýr kynbótamatsútreikningur birtist í Worldfeng nú um miðjan október. Fjöldi alþjóðlegra kynbótadóma (fullnaðardóma) sem lágu til grundvallar útreikningnum að þessu sinnu var 36.160. Fyrir forvitna hestaspekúlanta er gaman að skoða nýja kynbótamatsútreikninga og spá í spilin.

Nú beinum við sjónum okkar að þeim stóðhestum sem hafa 132 eða meira í aðaleinkunn kynbótamats og eiga ekki sýnd afkvæmi í kynbótadómi. Þeirra mat byggir því á þeirra eigin kynbótadómi og/eða ætternisupplýsingum. Allir eru þessir hestar ræktaðir á Íslandi.

Strengur frá Þúfum stendur vel í kynbótamatinu með 136 stig í aðaleinkunn en hann er jafnframt næsthæst dæmdi 4. vetra stóðhestur frá upphafi dóma með 8.65 í aðaleinkunn. Faðir Strengs er Sólon frá Þúfum og móðir Harpa frá Þúfum sem bæði eru útaf heiðursverðlaunahryssunni Nótu frá Stóra-Ási. Ræktendur og eigendur Strengs eru Gísli Gíslason og Mette Mannseth.

Næstur á eftir Streng kemur Eldklettur frá Prestsbæ en hann er undan Álfakletti frá Syðri-Gegnishólum og Þotu frá Prestsbæ, ræktendur hans eru Inga og Ingar Jensen en eigandi er Brúarskarð BV hann er með 135 stig í kynbótamati.

Hér fyrir neðan má sjá töflu með þeim stóðhestum sem um ræðir, foreldra, aðaleinkunn kynbótamats og öryggi.

Nafn	Faðir	Móðir	Aldur	Aðaleinkunn	Öryggi
Strengur frá Þúfum	Sólon frá Þúfum	Harpa frá Þúfum	4	136	81%
Eldklettur frá Prestsbæ	Álfaklettur frá Syðri-Gegnishólium	Þota frá Prestsbæ	2	135	64%
Bláþráður frá Prestsbæ	Þráinn frá Flagbjarnarholti	Þrá frá Prestsbæ	2	134	63%
Frakkur frá Flagbjarnarholti	Álfaklettur frá Syðri-Gegnishólium	Fold frá Flagbjarnarholti	2	134	63%
Nn frá Geitaskarði	Skýr frá Skálakoti	Hrönn frá Ragnheiðarstöðum	1	134	64%
Skarði frá Þúfum	Álfaklettur frá Syðri-Gegnishólium	Harpa frá Þúfum	1	133	64%
Nn frá Miklholti	Álfaklettur frá Syðri-Gegnishólium	Urður fra Akureyri	1	133	63%
Fleygur frá Geitaskarði	Adrían frá Garðshorni á Þelamörk	Hrönn frá Ragnheiðarstöðum	3	133	61%
Engill frá Prestsbæ	Kveikur frá Stangarlæk	Þota frá Prestsbæ	4	133	62%
Kambur frá Feti	Álfaklettur frá Syðri-Gegnishólium	Malín frá Feti	1	132	63%
Þróttur frá Hæli	Þráinn frá Flagbjarnarholti	Örk frá Lynghóli	2	132	62%
Sóló frá Þúfum	Sólon frá Þúfum	Eygló frá Þúfum	2	132	61%
Sær frá Hjarðartúni	Álfaklettur frá Syðri-Gegnishólium	Dögun frá Hjarðartúni	1	132	64%
Vísir frá Þúfum	Skýr frá Skálakoti	List frá Þúfum	3	132	65%
Seiður frá Hólum	Trymbill frá Stóra-Ási	Ösp frá Hólum	8	132	82%
Nn frá Fákshólum	Skýr frá Skálakoti	Sending frá Þorlákshöfn	2	132	66%
Askur frá Skógarnesi	Þráinn frá Flagbjarnarholti	Urður fra Akureyri	2	132	62%
Nn frá Ragnheiðarstöðum	Skýr frá Skálakoti	Hávör frá Ragnheiðarstöðum	1	132	64%

Gott er að hafa í huga þegar kynbótamatið er skoðað að þetta er spá um kynbótagildi hrossa og því þarft að hafa öryggið til hliðsjónar því eftir því sem öryggið er meira því hærra verður forspárgildi kynbótamatsins. Allir hafa þessir hestar 90% öryggi eða meira í kynbótamatinu.

Nánar má lesa um kynbótamat og erfðaframför í íslenska hrossastofninum með því að smella hér.