Styttist í Framhaldsskólamótið í hestaíþróttum
Ákveðið hefur verið að halda Framhaldsskólamótið í hestaíþróttum 19. mars næstkomandi. Nokkrar breytingar hafa verið gerðar á keppnisgreinum og fyrirkomulagi. Nú verður keppt í eftirfarandi greinum
-Fjórgangi
-Fimmgangi
-Tölti
-Slaktaumatölti
-Skeið í gegnum höllina
-Brokk í gegnum höllina
Engin B úrslit verða riðin á mótinu. Þess í stað munu 7 komast upp í A úrslit strax eftir forkeppni.
Hver skóli hefur leyfi til að senda 3 knapa í hverja grein. Frjáls skráning er í skeið- og brokk kappreiðar og tekið verður við skráningum á staðnum. Skráningargjald í þær greinar verður 1.000kr líkt og fyrri ár. Sigurvegarar kappreiðanna hljóta skráningargjöldin í peningaverðlaun.
Framhaldsskólanemar á öllu landinu hafa þáttökurétt og gott að minna á nokkrir framhaldsskólar koma til með að þurfa að halda úrtöku fyrir sín lið. Þær úrtökur eru á vegum hvers og eins skóla en ekki nefndarinnar sjálfrar. Skráningargjald í hverja hringvallargrein er 2.500kr.
Ef eitthverjar spurningar vakna þá má senda póst á netfang nefndarinnar [email protected] eða hringja í síma 847-8061 ( Thelma Harðardóttir). Einnig minnum við á facebook síðu mótsins sem má finna hérhttps://www.facebook.com/Framhaldsskólamótið-%C3%AD-hesta%C3%ADþróttum-427460590751955/?fref=ts . Þar munu allar upplýsingar birtast á meðan mótinu stendur.
Til minningar um Rúnar Geir Ólafsson 
Vigdís Matthíasdóttir ráðin yfirþjálfari Hæfileikamótunar LH 
