Þessir sátu heima

31. desember 2012
Fréttir

Þessir sátu heima

Fyrir nokkrum dögum var birtur hér listi yfir þá hesta sem sýndir voru sem klárhestar á Landsmótum áranna 1994-2012 og fluttir voru út. Á listanum eru hestar sem sýndir voru sem klárhestar á Landsmóti þó svo að þeir hafi seinna verið sýndir með skeiði. Þegar fjöldi afkvæma þeirra hér á landi er borin við fjölda afkvæma hjá þeim hestum sem eftir voru hér á landi kemur eftirfarandi í ljós.

Að meðaltali áttu hestarnir sem fluttu út 12 afkvæmi á ári meðan þeir voru hér á landi en hestarnir sem eftir urðu hér eiga að meðaltali um helmingi fleiri afkvæmi á ári eða 23 alls. Þegar heildarfjöldi afkvæma þessara hópa er borinn saman þá kemur í ljós að útfluttu hestarnir eiga að meðaltali 77 afkvæmi en hestarnir sem urðu eftir heima 289 afkvæmi.

Þetta rennir stoðum undir að þeir sem flognir eru hafi oft á tíðum verið seldir vegna dræmrar notkunar hér á landi. Það er jú grundvöllur þess að hægt sé að halda hestum hér heima að ræktendur vilji nota þá. Til að tryggja það að bestu klárhestarnir fari ekki út verða íslenskir ræktendur að vera tilbúnir að nota þá.

Þeir hestar sem eftir urðu eru eftirtaldir:

IS1990184730 Andvari frá Ey I

IS1990184419 Víkingur frá Voðmúlastöðum

IS1988186461 Mjölnir frá Sandhólaferju

IS1994158719 Breki frá Hjalla

IS1994184184 Dynur frá Hvammi

IS1993187336 Tývar frá Kjartansstöðum

IS1991157345 Hugi frá Hafsteinsstöðum

IS1996187336 Töfri frá Kjartansstöðum

IS1995184621 Stæll frá Miðkoti

IS1998186906 Þristur frá Feti

IS1998184713 Aron frá Strandarhöfði