Þorgils Kári í 1.sæti

Eiðfaxi fjallaði um úrslit í gæðingaskeiði sem fram fór í gærkvöldi hér á Reykjavíkur meistaramóti. Þar var ranglega kynnt að Benjamín Sandur Ingólfsson hefði sigrað keppni í gæðingaskeiði ungmenna. Þeir Benjamín og Þorgils Kári voru jafnir á einkunnum í 1-2 sæti.

Það hefur verið túlkun keppenda og áhorfenda að þegar að tveir knapar eru jafnir í gæðingaskeiði að þá sigri sá sem betri tíma nær á sprettinum. Hið rétta er að sá keppandi sem hærri einkunnir hlýtur frá dómurum  sigrar ef tveir standa jafnir.

Þorgils Kári Sigurðsson sigraði þ.a.l. keppinauta sína í gæðingaskeiði ungmenna á Væntingu frá  Sturlureykjum 2, en Benjamín Sandur er Reykjavíkurmeistari þar sem hann keppir fyrir Fák en Þorgils fyrir hestamannafélagið Sleipni