Þriðju Skeiðleikar Baldvins og Þorvaldar
Þriðju skeiðleikar ársins fara fram miðvikudagskvöldið 24.júní á Brávöllum á Selfossi. Skeiðleikarnir eru með hefðbundnu sniði en byrjað er á 250 metra skeiði og endað á 100 metra skeiði.
Skráning er nú opin á Sportfeng þar sem velja þarf Skeiðfélagið sem mótshaldara en henni lýkur sunnudaginn 21.júní.
Skeiðfélagið hvetur alla knapa til að taka þátt enda til mikils að vinna – 100.000 króna gjafaúttektt í Baldvin og Þorvaldi fyrir heildarsigurvegara og farandbikarinn Öderinn veittur stigahæsta knapa.
Skeiðleikarnir eru í beinni útsendingu á sjónvarpsstöðinni Alendis og þá er hægt að tippa á Skeiðleika í gegnum lengjuna.
Styttu haustið með EiðfaxaTV 
