Tilvalin grein fyrir reiðhallir

Pjetur N. Pjetursson, formaður HÍDÍ, dæmdi fyrsta æfingamótið í Töltfimi sem haldið var á Skeiðvöllum fyrir skömmu. Hann telur greinina mjög gott innlegg í hestaíþróttakeppnina og hvetur til þess að hún verði tekin upp í reiðhöllum landsins strax eftir áramót. Hann segir áhugavert hve Töltfimin krefjist mikillar nákvæmni og það sé einmitt það sem íþróttakeppnin eigi að ganga út á.