Töltið næst á dagskrá

Forsala aðgöngumiða hefst í dag í verslunum Top Reiter, Líflandi og  hjá Baldvin og Þorvald á Selfossi.   Aðgangseyrir á mótið er  1.500 krónur og gera má ráð fyrir húsfylli og því er um að gera að tryggja sér miða í tíma.

 

Það voru þær stöllur Sara Ástþórsdóttir, Ganghestar/Málning, og Díva frá Álfhólum sem stóðu uppi sem sigurvegarar í  töltinu í fyrra eftir alveg hreint stórglæsilega sýningu í A úrslitum  með einkunina 8,72.   Í öðru sæti varð John Kristinn Sigurjónsson, Hrímnir, á Tóni frá Melkoti með einkunnina 8,06 og þriðji varð Eyjólfur Þorsteinsson, Lýsi, á Háfeta frá Úlfsstöðum með einkunnina 7,94.

 

Það stefnir í hörkukeppni í næstu viku og hestakosturinn verður svakalegur.

 

Heyrst hefur nú þegar að Guðmundur Björgvinsson mæti með Hrímni,  Árni 

Björn mæti kannski með Storm frá Herriðarhóli og svo er Topreiter liðið 

að skoða Tón frá Melkoti og Eld frá Köldukinn.    Þorvaldur verður 

væntanlega með Glampadótturina hana Stjörnu og Viðar kemur annað hvort 

með Kringlu frá Jarðbrú eða Vornótt frá Hólabrekku.   Hulda mætir 

væntanlega á Katli frá Kvistum en svo stendur valið á milli gæðinganna 

Fjölnis frá Akureyri, Sleipnis frá Árnanesi og Smyrils frá Hrísum.  Það 

verður spennandi  að sjá hver af þeim mætir í höllina.

 

Þetta er einungis fyrstu fréttir af hestakostinum sem mun gleðja okkur 

í næstu viku.   Væntanlega meiri fréttir eftir æfingatíma helgarinnar.

 

Staðan í  einstaklingskeppninni er mjög spennandi.  Mörg stig eru eftir 

í pottinum og staðan er fljót að breytast.   Guðmundur Björvinsson 

leiðir með 32 stig, í öðru sæti er svo Sigurður Sigurðarson með 20 stig 

og Eyjólfur með 14 stig.

 

Liðakeppnin er ekki síður spennandi.   Þar leiðir lið Topreiter/Ármóts 

með 161 stig, í öðru sæti er  lið Lýsis með 142,5 stig og í þriðja sæti 

lið Árbakka/Hestvit með 112,5 stig.

 

Hvetjum enn og aftur alla til að tryggja sér miða á eina af mestu 

töltveislum vetrarins,“ segir í tilkynningu frá aðstandendum