Tvær jafnar á síðsumarssýningu á Melgerðismelum

Síðsumarssýning kynbótahrossa fór fram á Melgerðismelum fyrir helgi og voru 38 hross skráð í dóm, langflest hryssur.

Hæstu aðaleinkunn, 8,11, hlutu tvær hryssur, Bjarklind frá Húsavík og Lygna frá Litlu-Brekku.

Bjarklind er  12 vetra Markúsardóttir undan Urð frá Hvassafelli sem er einmitt móðir Kambans nokkurns frá Húsavík, sem hefur gert garðinn frægan á keppnisbrautinni í sumar. Bjarklind hlaut 7,72 fyrir byggingu og 8,37 fyrir hæfileika sem var hæsta hæfileikaeinkunn sem hross fékk á sýningunni. Hún hlaut einkunnina 9 fyrir vilja og geðslag og hægt stökk, 8,5 hlaut Bjarklind fyrir tölt, skeið og fegurð í reið.

Dómur Bjarklind frá Húsavík:

Sköpulag: 8,0 – 8,0 – 7,5 – 7,5 – 8,0 – 7,5 – 7,5 – 7,0 = 7,72

Hæfileikar: 8,5 – 8,0 – 8,5 – 7,5 – 9,0 – 8,5 – 7,5 – 9,0 – 7,5 = 8,37

Lygna er 5 vetra undan Sám frá Litlu-Brekku sem er sonur Garps frá Auðsholtshjáleigu og Syrpu frá Ytri-Hofdölum. Móðir Lygnu er Líf frá Litlu-Brekku sem er undan Ásaþór frá Feti og List frá Borgarhóli. Lygna hlaut 8,31 fyrir sköpulag, sem var hæsta sköpulagseinkunn sem gefin var á sýningunni, og einkunnina 7,98 fékk Lygna fyrir hæfileika. Einkunnina 9 hlaut Lygna fyrir háls, herðar og bóga og prúðleika.

Dómur Lygnu frá Litlu-Brekku:

Sköpulag: 8,0 – 9,0 – 7,5 – 8,5 – 8,0 – 7,5 – 8,0 – 9,0 = 8,31

Hæfileikar: 8,5 – 7,5 – 7,0 – 8,0 – 8,0 – 8,5 – 8,0 – 8,0 – 8,0 = 7,98

Hér er svo yfirlit yfir aðra dóma á sýningunni:

Hestur – Sköpulag – Hæfileikar – Aðaleinkunn – Sýnandi