Vann til verðlauna í reiðmennsku með 37 ára millibili

Í gær, sunnudaginn 30 maí fór útskrift Reiðmanna sem sótt hafa námið okkar 2019-2021 fram að Sörlastöðum í Hafnarfirði. Dagurinn heppnaðist ljómandi vel þrátt fyrir slagveður sem gekk yfir. Að þessu sinni útskrifuðust hópar sem stundað hafa nám í Reiðmanninum í Mosfellsbæ, á Hellu og í Kópavogi.

Sjö knapar tóku þátt í Reynisbikarnum, en þátttökurétt áttu efstu knapar úr útskriftarhópunum okkar  og efstu þrír riðu til úrslita.

Úrslitin urðu eftirfarandi: 

1. Grímur Guðmundsson Reiðmaðurinn á Hellu

Íva frá Ásatúni

2. Aron Óskarsson Reiðmaðurinn í Spretti

Kristín frá Firði

3. Björk Guðbjörnsdóttir Reiðmaðurinn á Hellu

Styrkur frá Kjarri

Að auki var keppt í tölti T5 og þar urðu úrslit eftirfarandi:

1. Aron Óskarsson

Kristín frá Firði

2. Björk Guðbjörnsdóttir

Álfasteinn frá Magnúsarskógum

3. Grímur Guðmundsson

Íva frá Ásatúni

4. Ragnheiður Elfa Þorsteinsdóttir

Gyðja frá Krossanesi

5. Anna Guðjónsdóttir

Íslandsblesi frá Kolsholti 2

Fimm efstu í töltkeppni

Grímur Guðmundsson sem hlaut Reynisbikarinn svaraði nokkrum spurningum:

1. Þú hlaust Reynisbikarinn á útskriftarhátíð Reiðmannsins 2019-2021. Hvaða þýðingu hefur það og hvernig telur þú að námið í Reiðmanninum muni gagnast þér í framtíðinni?

„Mjög gott nám opnar inn á nýar brautir í þjálfunarferli, skilning á atferli og samvinnu við hestinn.“

2. Hvaða ráð getur þú gefið þeim sem eru í náminu í dag eða hafa hug á að hefja nám í Reiðmanninum í haust?

„Hvet alla sem stunda hestamensku að fara í reiðmannin, til að bæta þjálfunarferli og opna fyrir betri samskipti og skilning við hestinn. 

Þegar ég tók þá ákvörðun að fara í Reiðmannin áhvað ég að tæma hugann og fara í þetta nám með það að leiðarljósi að tileinka mér þær aðferðir sem kenndar eru. Tel ég að það megi þakka þann árangur sem ég náði ásamt hesti og frábærum kennurum. Takk fyrir mig.“

Til gamans má geta að ég tók Morgunblaðsskeifuna á Hólum 1984 þannig að þetta eru önnur verðlaunin sem ég hlýt úr bændaskóla með 37 ára millibili.

Nánari upplýsingar

Skráning í Reiðmanninn I veturinn 2021-2022 er opin til og með 15. júní. Námið verður í boði á fimm stöðum á landinu: Akranesi, Akureyri, Hvammstanga, Kópavogi og Selfossi, að því gefnu að næg þátttaka náist (12-14 reiðmenn). Skráning og nánari upplýsingar https://endurmenntun.lbhi.is/reidmadurinn/

Hinrik Þór Sigurðsson umsjónarmaður Reiðmannsins hjá Endurmenntun LbhÍ : 8435377