Vel heppnaður stofnfundur

Stofnfundur Meistaradeildar ungmenna var haldinn í kvöld að Fákaseli, þar sem fyrirhugað er að mótaröðin fari fram.

Mætingin var góð og þá sérstaklega á meðal ungmenna og aðstandenda þeirra. Þau Ólafur Þórisson, Anna Björg Níelsdóttir og Andrés Pétur Rúnarsson eru í undirbúningsnefnd og stýrðu þau fundinum en fundargestum gafst færi á að segja skoðanir sínar og koma með tillögur er varða deildina. Rætt var um það hvaða keppnisgreinar á að bjóða upp á, hversu mörg lið og svo fram eftir götunum.

Blaðamaður Eiðfaxa tók Ólaf Þórsson tali og spurði hann nánar út í tilurð deildarinnar og markmið.