Vignir Sigurðsson krýndur Íþróttamaður Léttis

Hestamannafélagið Léttir á Akureyri tilkynnti í gær, 18. janúar, um val sitt á Íþróttamanni Léttis fyrir árið 2020 en þetta kemur fram á Facebooksíðu félagsins.

Það var Vignir Sigurðsson, jafnan kenndur við Litlu-Brekku sem var krýndur Íþróttamaður Léttis 2020 en hann átti góðu gengi að fagna á keppnisbrautinni á síðasta ári og er vel að þessum titli kominn. Vignir var efstur í valinn með 66 stig, næstur á eftir honum kom Guðmundur Karl Tryggvason með 48 stig og þriðji varð Auðbjörn Kristinsson með 26 stig. Eiðfaxi óskar öllum þessum köppum innilega til hamingju með árangurinn.