Komið í ljós hver hlýtur Sleipnisbikarinn á Landsmóti

Eiðfaxi sagði frá því í gær hvaða stóðhestar ættu möguleika á að koma fram með afkvæmahóp á Landsmótinu og taka á móti heiðursverðlaunum.

Ekki var ljóst hver yrði Sleipnisbikarhafinn 2022 en þeri Sjóður frá Kirkjubæ og Jarl frá Árbæjarhjáleigu II voru jafnir í kynbótamati. Báðir með 124 stig. Samkvæmt upplýsingum Eiðfaxa var skorið úr með aukastöfum og hefur það verið staðfest að Sjóður frá Kirkjubæ mun taka á móti Sleipnisbikarnum á Landsmótinu.

Átta stóðhestar náðu lágmörkum til fyrstu verðlauna fyrir afkvæmi og fimm til heiðursverðlauna.

Auk Sjóðs og Jarls eru þetta Trymbill frá Stóra-Ási (123 stig), Hrannar frá Flugumýri II (122 stig) og Eldur frá Torfunesi (119 stig) sem hafa náð lágmörkum til heiðursverðlauna.

Þeir hestar sem hafa möguleika á að koma fram með afkvæmahóp og taka á móti heiðursverðlaunum fyrir afkvæmi á Landsmótinu