Töluverðar breytingar á liði Austurkots/Pulu

30. október 2024
Fréttir

Mikil spenna er alltaf fyrir Meistaradeildinni í hestaíþróttum en á þessum tíma er liðaskipan að verða klár.

Meistaradeildin í hestaíþróttum hefur göngu sína að nýju í janúar. Dagsetningar hvers keppniskvölds liggja nú þegar fyrir.

Lið Austurkot/Pulu mun taka þó nokkrum breytingum frá því á síðasta tímabili. Austurkot fer út sem styrktaraðili og inn kemur hrossaræktarbúið Fet. Páll Bragi Hólmarsson liðsstjóri liðsins er jafnframt hættur í liðinu sem og Jón Ársæll Bergmann og Ólafur Andri Guðmundsson.

Í staðinn fyrir þá þrjá koma inn Bylgja Gauksdóttir, Hanne Smidesang og Bjarni Jónasson, en allir þessir knapar hafa áður verið í deildinni. Bjarni kemur úr liði Þjóðólfshaga/Sumarliðabæjar og eru þær Bylgja og Hanne að koma inn aftur eftir að hafa tekið sé hlé frá deildinni. Bylgja tók þátt síðast í deildinni 2011 og Hanne árið 2019.