Opið fyrir umsóknir í 1. deildina

Undirbúningur fyrir komandi keppnistímabil í 1. deildinni í hestaíþróttum er formlega hafinn. Stjórn ásamt hestamannafélaginu Sörla hefur nú fest niður keppnisdaga vetrarins ásamt því að opna fyrir skráningar og umsóknir liða.

Keppnisdagar tímabilsins eru eftirfarandi:

• 19. febrúar
• 5. mars
• 19. mars
• 2. apríl
• 16. apríl
• 24. apríl

Sjö lið með öruggt sæti

Alls eiga sjö lið rétt á áframhaldandi þátttöku í deildinni á grundvelli árangurs síns á síðasta keppnistímabili. Lið hér fyrir neðan þurfa að staðfesta þátttöku sína fyrir komandi tímabil og tilgreina um leið liðseiganda, liðsstjóra og skipan liðsmanna.

• Fornusandar
• Sportfákar
• Hrímnir
• Kidka/hestakofi
• Vindás/stóðhestaval
• HorseDay
• Hringdu

Opið fyrir umsóknir fyrir ný lið

Einnig er opið fyrir umsóknir nýrra liða sem óska eftir þátttökurétti. Ný lið skulu senda inn umsókn þar sem fram kemur fyrirhuguð liðsskipan og hver sé eigandi liðsins. Umsóknarfrestur, bæði fyrir ný lið og staðfestingar á sætum núverandi liða, er til 8. nóvember 2026.

Allar umsóknir og upplýsingar skulu sendast á netfangið: [email protected]