Tippari vikunnar „Leicester vol2 ævintýri Arsenal heldur áfram“

  • 11. febrúar 2023
  • Fréttir
Tippari vikunnar er Ragnar Bragi Sveinsson

Þá er komið að tuttugustu og þriðju umferð Tippara vikunnar í boði Remax fasteignasölu.

Í síðustu umferð var það Jóhann Kristinn Ragnarsson sem var með þrjá rétta.

Tippari vikunnar er Ragnar Bragi Sveinsson Fyrirliði Fylkis í Bestu deild karla, barnastjarna í hestum og einn af stofnendum Alendis.  Ragnar Bragi er stuðningsmaður Liverpool.

 

 

Spá Ragnars:

 

West Ham 0-2 Chelsea
Mudryk setur 2 í trýnið á West Ham mönnum og verður enn ánægðari að hafa ekki farið til Sigga Matt og félaga í Arsenal. Arnar Heimir Lárusson opnar sér einn glútenlausan, laktosfrían lite bjór í tilefni þess að hafa horft á fyrsta leik sinna manna á tímabilinu.

 

Arsenal 1-1 Brentford
Leicester vol2 ævintýri Arsenal heldur áfram, ótrúlegt hvernig svona slappt lið hefur náð samt þetta mörgum stigum en þeim er að fatast flugið. Saliba setur sjálfsmark og svo fær Arsenal gefins víti sem þeir skora með heppni úr. Ganghestafjölskyldan heldur neyðarfund um kvöldið sem einkennist af stressi og kvíða.

 

Crystal Palace 1-2 Brighton
Zaha kemur palace yfir en Lallana svarar með tveimur mörkum.

 

Fulham 1-0 Notthingam Forest
Mitrovic treður þessum yfir línuna með svo miklu látbragði að lýsandi leiksins segir þetta minna sig á Þórarinn Ragnarsson á skeiði.

 

Leicester 1-1 Tottenham
Vardy vs Kane, báðir með sitthvort markið.

 

Southampton 0-0 Wolves
Akkúrat ekkert spennandi leikur.

 

Bournemouth 0-2 Newcastle
Almiron með bæði.

 

Leeds 1-2 Manchester United
Leeds kemst yfir og Jón Páll Sveinsson fagnar svo hátt að umferðin stöðvast á Selfossi (Gylfi Einarsson er frændi Nonna og spilaði þarna, bara ske kynni ef ekki alveg örugglega allir væru búnir að heyra þá sögu) en manu klárar þetta og allir helstu trúðar landsins fagna. Hinrik Ragnar Helgason og Gústaf Ásgeir Hinriksson hringjast á FaceTime eftir leik og greina leikinn í þaula en þær greiningar minna helst á þegar samkeppendur Special Olympics greina leik hvors annars.

 

Manchester City 4-0 Aston Villa
Aston Villa er mitt annað lið í prem eftir að hafa farið á völlinn þeirra síðustu helgi en City verða of stór biti fyrir þá.

 

Liverpool 5-1 Everton
Sigursælasta, fallegasta, flottasta og skemmtilegasta lið Englands klárar nágranna sína þægilega. Konráð Valur Sveinsson, Hans Þór Hilmarsson og Guðmundur Björgvinsson taka klukkutima Zoom spjall eftir leik en sú greining mun minna á atriði úr heilsubælinu.

 

 

Staðan:

Sigurður Matthíasson 7 réttir

Ásmundur Ernir Snorrason 7 réttir

Þórarinn Ragnarsson 6 réttir

Guðmundur Björgvinsson 6 réttir

Þorvaldur Kristjánsson 6 réttir

Nýjasta tölublað

Tengdar greinar