Á Kaffistofunni – Ekki gleyma gleðinni
Fjórtándi þátturinn af Á Kaffistofunni leit dagsins ljós á hlaðvarpsveitunni Spotify í síðustu viku og heitir hann ekki gleyma gleðinni.
Gestir Hjörvars að þessu sinni eru þeir Karl Áki Sigurðarson og Ríkharður Flemming Jensen. Þeir eiga það sameiginlegt að rækta hross í fremstu röð sem þeir svo nýta fyrir sjálfan sig og aðra í keppni en báðir kepptu þeir í áhugamannadeildinni síðasta vetur með góðum árangri, Ríkharður stóð m.a. uppi sem sigurvegari í einstaklingskeppni deildarinnar. Þá eru þeir einnig dómarar Karl Áki íþróttadómari og Ríkharður gæðingadómari.
Spjall þeirra við Hjörvar er áhugavert og snerta þeir á mörgum flötum hestamennskunnar velta upp hlutum og koma með ýmsar hugmyndir um það sem betur má fara.
Hjörvar, Ríkharður og Karl Áki í Eiðfaxa stúdíóinu á Selfossi
Góðar hugmyndir verða ekki að veruleika nema með stuðningi góðra aðila. Helstu styrktaraðilar þáttarins eru; KEMI, Vagnar & Þjónusta og Sleipnir Hestaflutningar ehf.
Logo þáttarins hannaði Marta Gunnarsdóttir!
„Hönnunin skiptir öllu máli“ 
„Hesturinn er í eins góðum höndum og hægt er að hugsa sér“ 
