„Tottenham menn halda að Conte hafi verið vandamálið“

8. apríl 2023
Fréttir

Tippari vikunnar er Flosi Ólafsson

Þá er komið að tuttugustu og níundu umferð Tippara vikunnar í boði Remax fasteignasölu.

Í síðustu umferð var það Guðni Halldórsson sem var með sex rétta.

Tippari vikunnar er Flosi Ólafsson

Flosi er harður stuðningsmaður Manchester United.

Spá Flosa:

Aston Villa 3-0 Nottingham Forest

Aston Villa tekur þennan leik örugglega.

Brentford 0-1 Newcastle United

Mikill varnarleikur lítið af mörkum, Newcastle pota einu seint í seinni hálfleik.

Fulham 0-0 West Ham United

Allt í járnum og allt jafnt.

Leeds United 2-0 Crystal Palace

Palace halda að þeir séu komnir með þetta eftir einn sigur í síðustu umferð, en raunveruleikin bankar uppá og Leeds vinnur.

Leicester City 1-0 AFC Bournemouth

Fyrsti leikur eftir stjóraskipti hjá Leicester endar með sigri.

Liverpool 3-1 Arsenal

Furðulegt tímabil kallar á furðuleg úrslit, og allir Liverpool menn landsins ofpeppast.

Manchester United 3-0 Everton

Ten Hag er löngu búinn að ákveða hvað gerist í þessum leik, Rashford og Bruno skora.

Southampton 0-5 Manchester City

Ósangjarn og leiðinlegur leikur fyrir Southampton.

Tottenham Hotspur 1-2 Brighton & Hove Albion

Tottenham menn halda að Conte hafi verið vandamálið, en þeir halda bara sínu striki og tapa þessum leik fyrir stemningsliðinu Brighton. Þetta er dagurinn sem Harry Kane lætur sína menn taka símtalið á Ten Hag og hann fær loksins að spila fyrir lið sem er honum sæmandi á næsta tímabili.

Wolverhampton 0-1 Chelsea

Lampard fær smá stemningu til að byrja með og Chelsea vinnur nokkra leiki í röð.