Á Kaffistofunni – Konur sem vinna karla
Áttundi þátturinn af hlaðvarpsþættinum Á Kaffistofunni er nú kominn í loftið en þættirnir eru samvinnuverkefni Arnars Bjarka Sigurðarsonar, Hjörvars Ágústssonar og Eiðfaxa.
Viðmælendur Hjörvars í þessum þætti eru þær Ragnhildur Haraldsdóttir og Glódís Rún Sigurðardóttir. Þær hafa báðar náð frábærum árangri í hestaíþróttinni og var Ragnhildur útnefnd íþróttaknapi ársins 2020 og Glódís Rún efnilegasti knapi ársins 2020. Þær lifa báðar fyrir hestamennskuna og eyða öllum sínum stundum í það að spá í hestum og hvernig þær geta hámarkað árangur sinn í greininni.
Spjall þeirra við Hjörvar var áhugavert og það er gaman að kynnast þessum afrekskonum betur og heyra þeirra sögu. Þátturinn er nú aðgengilegur á vef Eiðfaxa og á Spotify.
Góðar hugmyndir verða ekki að veruleika nema með stuðningi góðra aðila. Helstu styrktaraðilar þáttarins eru; KEMI, Vagnar & Þjónusta og Ísbúðin Valdís á Hvolsvelli
Logo þáttarins hannaði Marta Gunnarsdóttir!
„Hesturinn er í eins góðum höndum og hægt er að hugsa sér“ 
„Hönnunin skiptir öllu máli“ 
