Tippari vikunnar – Rakel Nathalie Kristinsdóttir
Tippari vikunnar – Rakel Nathalie Kristinsdóttir 
Þá er komið að 26. umferð Tippara vikunnar, í boði Sport og Grill Smáralind.
Í síðustu umferð var það Svanhildur Hall sem var með fjóra rétta.
Tippari vikunnar er Rakel Nathalie Kristinsdóttir læknir og hestakona frá Árbæjarhjáleigu II í Holtum.
„Jæja hvað skal segja, Maggi Ben skoraði á mig að tippa á úrslit helgarinnar í enska boltanum. Hingað til hafa boltaíþróttir ekki verið mitt sterka svið og myndi ég ekki hitta á markið þó ég stæði inn í því. En í seinni tíð hefur mér verið kennt að fylgjast með fótbolta og verð oft frekar heitt í hamsi þegar keppnisskapið tekur yfir þegar mínir menn í Liverpool spila.“
En þá að máli málanna nú reynir á spádómsgáfuna.
Man City 4-1 West Ham laugardag kl 12:30
Því miður er besta liðið í Manchester borg á fljúgandi siglingu núna og á því verður ekkert lát þegar þeir mæta Hömrunum í fyrsta leik umferðarinnar sem sjá aldrei til sólar.
West Brom 0-0 Brighton laugardag kl 15:00
Hef ekkert um þennan leik að segja, ætla að ryksuga meðan hann er í gangi.
Leeds 4-4 Aston Villa laugardag kl 17:30
Markaleikur sem endar með jafntefli. Marco Bielsa situr sem fastast á fötunni og sýnir engin svipbrigði og lærvöðvarnir á Jack Grealish sjást vel í leikslok.
Newcastle 0-2 Wolves laugardag kl 20:00
Portúgalskt þema sem skilar sigri öruggum sigri.
Crystal Palace 1-2 Fulham sunnudag kl 12:00
Fulham með sterkan sigur í fallbaráttunni.
Leicester 3-1 Arsenal sunnudag kl 12:00
Nú erum við komin á kunnulegar slóðir með mína uppáhaldsmenn við stjórnvölin Brendan Rodgers og kóalabjörninn Kolo Toure, what a wonderful human being. Með þessa tvo við stjórnvölin halda þeir sigurgöngunni áfram og hala inn mikilvægum stigum á móti Twilight leikaranum Arteta.
Tottenham 0-1 Burnley sunnudag kl 14:00
Tvö varnarsinnuð lið sem bjóða upp á ekkert nema leiðindi og baráttu. Burnley stelur sigri í uppbótartíma og Móri sparkar í vatnsbrús og lemur boltastrákinn. Verður rekinn í kjölfarið og þarf að fara að huga að öðrum atvinnumöguleikum enda kominn á endastöð.
Chelsea 3-2 Man Utd sunnudag kl 16:30
Hörku skemmtilegur leikur sem mun enda með liðssigri Chelsea og franska fyrirsætan Oliver Giroud setur upp flugeldasýnginu og sýnir Bruno Fernandes hvernig á að gera þetta.
Sheffield Utd 0-4 Liverpool sunnudag kl 19:15
Loksins loksins ná mínir menn að sýna sitt rétta andlit eftir óþolandi langa erfiðleikatörn. Hollenski vinnuhesturinn Wijnaldum verður allt í öllu í fjarveru okkar trausta fyrirliða og setur fyrsta markið.
Everton 1-2 Southampton mánudag kl 20:00
Danny Ings með tvö mörk fyir Southampton og bláliðum er kippt niður á jörðina eftir alltof góða ferð á Anfield.
Staðan:
Ingibjörg Guðmundsdóttir 6 réttir
Ragnhildur Loftsdóttir 6 réttir
Þorvaldur Kristjánsson 6 réttir
Jón Kristófer Sigmarsson 5 réttir
Konráð Valur Sveinsson 5 réttir
Sigurður Örn Ágústsson 4 réttir
Jón Þorberg Steindórsson 4 réttir
Guðbrandur Stígur Ágústsson 2 réttir
Mest lesið
Gunnar og Júpíter sigra aftur – Hvolpasveitin stigahæsta liðið 
