Íslandsmót, knapa skipti og Heimsmeistaramót

Íslandsmótin voru haldin á Selfossi og á Hellu. Í fyrsta sinn var gefinn Íslandsmeistarahringurinn, þrír knapar hlutu FT fjöðrina og Íslandsmeistarar voru krýndir.

Fólk fylktist á Fjórðungsmót á Austurlandi.

Anna Bretaprinsessa veitti verðlaun á breska meistaramótinu.

Í ár eru tíu ár frá því að Hestafræðideild Háskólans á Hólum fór að bjóða upp á BS nám í reiðmennsku og reiðkennslu.

Tíu fulltrúar frá Íslandsi tóku þátt í FEIF Youth Camp í ár.

Mikil eftirspurn var að koma hrossum til dóms miðsumars á Suðurlandi og var bætt við sýningardögum á Hellu.

Aðilarlönd FEIF kynnt landsliðin sín. Lið hollendinga vakti mikla athygli og þá sérstaklega knapinn Cora Wijams sem var að keppa í fyrsta sinn á Heimsmeistaramóti 79 ára gömul.

Kynning íslenska landsliðsins var í beinni útsendingu á Eiðfaxa. Landsliðið átti þó eftir að taka nokkrum breytingum. Guðmundur Björgvinsson, ríkjandi heimsmeistari, dró sig úr liðinu. Páll Bragi Hólmarsson dró sig úr liðinu og inn kom í staðinn Viðar Ingólfsson á Þór frá Stóra-Hofi. Daníel Gunnarsson á Einingu frá Einhamri bætist síðan við í hópinn eftir að Ingibergur Árnason dró sig úr liðinu.

Stymir Árnason sagði af sér sem liðstjóri Þýskalands og sem formaður íþróttadeildar IPZV í Þýskalandi útaf erfiðum málum innanhús hjá félaginu.

Ákveðið var að setja af stað nýja deild en sú deild var hugsuð milli Áhugamannadeildarinnar og Meistaradeildar í hestaíþróttum. Nýja deildin hlaut nafnið 1. deildin í hestaíþróttum og hefur göngu sína á nýju ári.

Heimsmeistaramót íslenska hestsins hófst í byrjun ágúst. Sigurför fyrir íslenska landsliðið sem landið ellefu gullum, fjórum silfrum og ef efstu sex kynbótahrossunum voru fimm þeirra ræktuð á Íslandi. Danska landsliðið vann liðabikarinn og Austurríkismenn unnu fyrsta gullið sitt í tæp 30 ár. Á mótinu var einnig rannsóknarteymi frá Háskólanum á Hólum sem rannsakaði hlutfallið á milli þyngdar knapa og hrossa á mótinu.

Sögusetur íslenska hestsins hlaut 3.000.000 kr. styrk úr Hvata, styrktarsjóði til verkefna á málefnasviðum menningar- og viðskiptaráðherra.

Frumsýnd var ný íslensk heimildamynd, Konungur fjallanna, þar sem hrossaræktandinn Kristinn Guðnason var í aðalhlutverki.

Háskólinn á Hólum rannsakaði áhrif hesta á fólk en verkefni er hluti af rannsóknaátaki við háskólann sem tengjast áhrifum hesta á fólk.

Ný og spennandi viðbót bættist við í WorldFeng en nú er hægt að skrá hefðbundnar mælingar hrossa og vista í gagnabankanum – utan reglulegra kynbótasýninga.

Metskráning var á sænska meistaramótinu í gæðingakeppni.

Eiðfaxi Sumar kom út

Í Eiðfaxa sumar var viðtal við Viktoríu Huld Hannesdóttur sem hafði slegið í gegn á hesti sínum Þin frá Enni. Helgi Eggertsson í Kjarri rifjaði upp eftirminnileg hross og Ólafur Gunnar Helgason bóndi á Helgastöðum var tekinn talin en hann er tiltölulega nýr í greininni. Umfjöllun um Heimsmeistaramótið var á sínum stað og Vakri-Skjóni. Grein eftir Elsu Albertsdóttur og Þorvald Árnason birtist í blaðinu en hún fjallaði um erfðaframför í íelsnka hrossastofninum. 

Mest lesnu fréttir á vefnum voru eftirfarandi:

• Íslenska landsliðið klárt
• Guðmundur mætir ekki á Heimsmeistaramótið
• „Hrossið á alltaf að njóta vafans svo við ákváðum að draga okkur úr liðinu“
• “Þetta er algjör draumur”
• „Lá nú bara í sófanum seint um kvöld að horfa á sjónvarpið þegar Sigurbjörn hringdi“
• Strákarnir okkar klikka ekki
• Breytingar á landsliðinu
• Kraftur frá Bringu fallinn frá
• „Það vantaði bara heilt yfir okkar ferskleika“
• Landsliðið mitt