„Ætlaði að verða rokkstjarna“

Hin hliðin heldur áfram hér á Eiðfaxa þar sem við fáum að kynnast nýjum hliðum á hestafólki um land allt. Að þessu sinni er komið að skagfirðingnum Friðgeiri Inga Jóhannssyni.

Fullt nafn: Friðgeir Ingi Jóhannsson

Gælunafn: Ekkert sem hefur fest við mig, einhverjir voru að vinna með Fribba nafnið.

Fæðingardagur og ár: 21 september 1979

Hjúskaparstaða: Í sambúð

Menntun: Hólaskóli

Starf: Hestamaður

Hvað ætlaðir þú að verða þegar þú yrðir stór: Rokkstjarna

Hestamannafélag: Skagfirðingur

Stjörnumerki: Meyja

Skónúmer: 43

Hvernig bíl áttu: Toyota Tacoma

Klukkan hvað ferðu á fætur: oftast of snemma finnst mér

Uppáhalds árstími: Vorið

Te eða kaffi: Kaffi

Hvað viltu í bragðarefinn þinn: Jarðarber og tromp

Uppáhalds drykkur: Vatn og bjór

Uppáhaldsmatur: Folaldasteik

Uppáhalds matsölustaður: Bláfell

Besta lyktin: Hvergi betri lykt en af snoppunni á hestum

Versta lyktin: Ælulykt

Bað eða sturta: Sturta

Þín fyrirmynd: Engin sérstök en mjög mikið af fólki sem hefur góð áhrif á mann. Til dæmis lít ég mikið upp til foreldra minna.

Lífsmottó: Vertu hress, ekkert stress

Í hverju varstu lélegastur/lélegust í skóla: algebru

Í hverju varstu bestur/best í skóla: Íþróttum og tungumálum

Uppáhalds sjónvarpsþáttur: Banshee

Uppáhalds leikari: Morgan Freeman

Uppáhalds Íslenski tónlistarmaðurinn: Bubbi

Uppáhalds erlendi tónlistarmaðurinn: Úff margir Uppáhalds en ef ég þarf að velja einn þá er það Kurt Cobain

Uppáhalds lag: The man who sold the world

Hvaða lag kemur þér alltaf í stuð: Lust for life með Iggy Pop

Fyndnasti Íslendingurinn: Jón Gnarr

Uppáhalds staður á Íslandi: Skagafjörðurinn

Fallegasti staður sem þú hefur komið á: Ég hef ferðast mikið um heiminn en ekkert slær út Íslandi.

Hvað finnst þér vanmetið: Hreinskilni

En ofmetið: Soðinn fiskur og Sjálfstæðisflokkurinn

Uppáhalds lið í íslenska boltanum: Neisti

Uppáhalds lið í enska boltanum: Man Utd

Efnilegasti hestamaður/kona landsins: Guðmar Freyr Magnússon

Fallegasti hestamaður/kona á Íslandi: Freyja Amble Gisladottir

Besti knapi frá upphafi: Gísli Gíslason

Mesti gæðingur allra tíma að þínu mati: Get ekki gert upp á milli en í minningunni eru skeið sprettirnir hjá Galsa frá Sauðárkróki fjögra vetra ógleymanlegir. En svo eru svo margir sem hafa heillað mann í gegnum tíðina.

Besti hestur sem þú hefur prófað: Hef verið heppin í gegnum tíðina að fá að þjálfa og prófa marga góða hesta. Síðasta sumar fékk ég til dæmis að prófa Trymbil frá Stóra Ási og Álfaklett frá Syðri-Gegnishólum. Það var alls ekki leiðinlegt.

Ef þú fengir að eiga einn hest, lífs eða liðinn, hvern myndir þú velja og af hverju: Kolfinnur frá Kjarnholtum mætti vera reiðhestur í hesthúsinu hjá okkur

Fyrir utan hestamennsku, fylgist þú með öðrum íþróttum: Fótbolta og landsleikjum í handbolta

Við hvað ertu hrædd/ur: Aldrei hræddur, aldrei kalt eða jú er lofthræddur og ekki vel við djúpt vatn og kannski nokkra aðra hluti.

Mest óþolandi keppandi sem þú hefur mætt: Þeir sem láta bíða eftir sér

Sætasti sigurinn: Að komast á pall á Íslandsmóti í borðtennis

Mestu vonbrigðin: Að Danir skyldu ekki vinna Frakkana

Stóðhestabókin eða Hrútaskráin: Stóðhestabókin

Mesta afrek þitt í lífinu: Dóttir mín

Besta ráð sem þér hefur verið gefið: Að hafa gaman af lífinu

Hvað er það síðasta sem þú gerir áður en þú ferð að sofa: Stilla vekjaraklukku

Vandræðalegasta augnablikið: margt kemur til greina og flest ekki prenthæft en læt eina saklausa fylgja þegar ég hélt að ég væri einn heima og horfði á Guns n Roses tónleika í hvínandi botni í stofunni klæddur eins og Axl Rose bara í hermannaklossum og hjólabuxum með tóbaksklút á hausnum og gargandi í kústsskaft og í einum snúningnum tók ég eftir að það voru komnir gestir sem fengu óvænta tónleika

Ætlar þú á Landsmót 2022: Pottþétt

Hvaða þrjá hestamenn tækir þú með þér á eyðieyju: Sólon Morthens, hann er svo flinkur að veiða og Didda Kokk til að elda og svo Freyju til að hlýja mér

Sturluð staðreynd um sjálfa(n) þig: Er loðnari á tánum en kollinum

Hvaða hestamaður hefur komið þér mest á óvart eftir að þú kynntist honum/henni og af hverju: Sólon Morthens, fallegur að innan þrátt fyrir hrjúft yfirbragð

Ef þú fengir eina spurningu til að spyrja hvern sem er, hver yrði spurningin og hvern myndir þú spyrja: Bill Gates, viltu styðja mig fjárhagslega?

Hvað ætlar þú að gera um helgina: Þarf að skreppa suður

Skora á danska Dalvíkingin Agnar Snorra Stefánsson